Radšo module hač wětrniki poručenje

wutora, 31. awgusta 2021
artikl hódnoćić
(0 )
Z prěnim zarywom su wčera wjesnjanosta Dobruše-Huski Alexander Fischer, jednaćel zawoda Anamur Markus Brosch, wobsedźer pódy Hans-Peter Busch, Hodźijski wjesnjanosta Gerald Meyer, planowar Ernst Panse, naměstnik Budyskeho krajneho rady Udo Wićaz (CDU) a zapósłanc Sakskeho krajneho sejma Marko Šiman (CDU, wotlěwa) twar noweho solarneho parka na polu njedaloko Žičenja zahajili. Připrawa ma wot klětušeho kóžde lěto 40 gigawattow miliny nadźěłać.  Foto: Uwe Menschner Z prěnim zarywom su wčera wjesnjanosta Dobruše-Huski Alexander Fischer, jednaćel zawoda Anamur Markus Brosch, wobsedźer pódy Hans-Peter Busch, Hodźijski wjesnjanosta Gerald Meyer, planowar Ernst Panse, naměstnik Budyskeho krajneho rady Udo Wićaz (CDU) a zapósłanc Sakskeho krajneho sejma Marko Šiman (CDU, wotlěwa) twar noweho solarneho parka na polu njedaloko Žičenja zahajili. Připrawa ma wot klětušeho kóžde lěto 40 gigawattow miliny nadźěłać. Foto: Uwe Menschner

Z milinu chcedźa wob lěto 100 000 domjacnosćow zastarować

Žičeń (UM/SN). „Zahajimy dźensa nowy płodowy slěd“, wobsedźer pola na kromje Žičenja (Seitschen) w Hodźijskej gmejnje Hans-Peter Busch wčera žortnje zwurazni. Wšako přewjedźe wón tam samsny dźeń ze zamołwitymi komunow prěni zaryw za nowy projekt, kotryž wobradźa jemu na lěta wěste dochody.

Anumar Solar GmbH ze sydłom w Bayerskej chce južnje Žičeńskeho přemysłownišća něhdźe 40 hektarow wulki solarny park natwarić, kotryž změje po informacijach firmy wukonitosć 40 megawattow. Nimale 100 000 solarnych modulow ma po planowanym zahajenju produkcije miliny klětu w 1. abo 2. kwartalu potom kóždolětnje něhdźe 40 gigawattow miliny wudobywać. To je dosć, zo móža nimale 100 000 domjacnosćow cyłe lěto z milinu zastarać. Za twar solarneje připrawy na polu, kotrež leži na teritoriju gmejnow Hodźij (Göda) a Dobruša-Huska (Doberschau-Gaußig), nałoža cyłkownje 22 milionow eurow.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND