Historisku hlinjanu tykowanu bróžnju na Šusterec statoku přepodali
Trjebin (JoS/SN). W Trjebinje knježeše předwčerawšim přewšo dobra nalada. Přepodaće něhdźe sto lět stareje Redec bróžnje, kotruž běchu w bywšim Trjebinskim wjesnym dźělu Za Goru (Hinterberg) wot- a na Šusterec statoku znowa natwarili, bě kaž wjesny swjedźeń. Ze wsy a wokoliny bě tójšto ludźi přichwatało. Hudźbna njedźela bě po dołhim času prěnje zjawne zarjadowanje na statoku.
