Swójbne swjedźenje su specialita

wutora, 31. awgusta 2021
artikl hódnoćić
(0 )
W Bóščanskim hosćencu drje rady swójbne swjedźenje wuhotuja, wšitkich druhich hosći pak runje tak witaja.  Foto: Alfons Handrik W Bóščanskim hosćencu drje rady swójbne swjedźenje wuhotuja, wšitkich druhich hosći pak runje tak witaja. Foto: Alfons Handrik

Hosćency a korčmy su za towaršnostne žiwjenje wažne městna, wšako so tam ludźo rady zetkawaja. Často maja tež zajima­we stawizny. W swojej lětnjej seriji­ tajke gastronomiske předewzaća předstajamy, dźensa Bóščanski hosćenc „Knježi dwór“. (15)

Lubowarjam kulinariskich chłóšćenkow runje tak kaž runočasnje stawiznisce zajimowanym je hosćenc w Bóšicach prawa adresa. Jědźeš-li ze wsy do směra na Horu, napadnje ći na prawej stronje impozantny twar w čerwjenej barbje a walmowej třěchu. Na fasadźe skedźbnjeja nimo­ jěduceho ze swojoraznym, derje widźomnym napisom na pensiju a hosćenc. Pomjenowanje „Knježi dwór – Gutshof“ ma swoje korjenje w třistalětnych stawiznach domu. Tehdy bě Carl Gottlob von Theler štyri burske ležownosće do jednoho cyłka zjednoćił. Swójba von Theler, nadobny zemjanski splah, měješe wjacore wobsydstwa a je Bóščanske kubleško 1708 Hansej Christophej von Loebenej předała. Dwaceći lět pozdźišo sta so dr. med. Johann Benjamin Pomsel jeho nowy wobsedźer. Hač do 1945 běchu tam hišće wjacori dalši knježkojo.

wozjewjene w: Lokalka

Galerija

dalši wobraz (1)
Prošu přizjewće so, chceće-li komentar podać

nawěšk

nowostki LND