Tragedija w baćonjacym hnězdźe

póndźela, 20. septembera 2021
artikl hódnoćić
(0 )
 Znjezboženej a přemokanej baćonaj su z čerwjenej swěcu wohrěwali.  Foto: Handrij Baumgärtel Znjezboženej a přemokanej baćonaj su z čerwjenej swěcu wohrěwali. Foto: Handrij Baumgärtel

W prawdźepodobnje najwuspěšnišim baćonjacym hnězdźe we Wbohowje (Übigau) pola Njeswačidła je so lětsa tragedija stała. Tónkróć bě so tam pjeć młodych baćonow wulahnyło. Hižo w juniju wuchowachu tam młodźatko, kotrež bě z hnězda padnyło. Wěteńčan so na to wo nje staraše, dźeń pozdźišo dowjezechu ptaka do Zhorjelskeho přirodoškitneho zwěrjenca. Tak dóstachu 25. junija jeničce štyri młodźata rynku wokoło nóžki. Něšto dnjow pozdźišo nańdźechu tam mortweho młodeho baćona. Přičinu njeznaja. A wot toho časa běchu jich jenož hišće tři w hnězdźe. 17. julija popołdnju bě wulki zliwk. Něhdźe 40 litrow spadkow su we Wbohowje naměrili. Hnězdo bě tak ćežke, zo so sypny a dalše młodźo pod sobu pohrjeba. Wo zbywacej dwě staraštaj so Holger Lehmann a Ackermannec swójba. Skónčnje dowjezechu tež jej do Zhorjelca, hdźež wšitke tři baćony nětko hladaja. Zaměr dźě je ptaki zaso do přirody pušćić, hdyž su sylne dosć. Hladarjo Zhorjelskeho zwě­rjenca zwěsćichu, zo bě sej jedne z třoch młodźatow hrudźnu kósć złamało.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND