Ze spěchowanjom tójšto na dobro wobydlerjow wuskutkuja
Chrósćicy (JK/SN). Hižo loni kiwaše Chróšćanskej gmejnje zbožo, jako dósta wona myto za swój projekt „Chrósćicy pohibuja wšitkich“ we wobłuku wubědźowanja Simul+. Nětko je jej regionalny management Leader Hornjołužiskeje hole a hatow wobkrućił, zo dalše štyri projekty spěchuje, a to z 75 procentami. Swójski podźěl zapłaći gmejna z loni dobyteho myta.