Wobydlerska iniciatiwa a towarstwo trajnu wustajeńcu wotewrěłoj

Delni Wujězd (AK/SN). Serbska rěč, kultura a stawizny maja w Delnim Wujězdźe zaso widźomne a wšědny dźeń prezentne być kaž tež hordosć na korjenje wsy budźić. To je zaměr trajneje wustajeńcy „Serbske žiwjenje w Delnim Wujězdźe a wokolinje“. Wobydlerska iniciatiwa a towarstwo Zahrodka stej přehladku minjeny pjatk wotewrěłoj. Na 13 taflach předstajeja tam wosobiny, cyrkwinske žiwjenje, rěč, kubłanišća a dalše temy. „Za nas je wustajeńca spočatk dołheho puća“ podšmórny předsyda towarstwa a wjesny předstejićer Frank Knobloch.