Wuznaće k jubilejej města

štwórtk, 18. nowembera 2021
artikl hódnoćić
(0 )
Na dworje Kamjenskeje radnicy je nětko widźeć jedna ze šlebjerdow, z kotrymiž bě wěža na Pastwinej horje zapowěsnjena. Wustajena je tohorunja kopija wopisma, w kotrymž je město prěni raz naspomnjene (mały wobraz). Original chowaja w klóštrje Marijinej hwězdźe w Pančicach-Kukowje.  Foto: Uwe Menschner Na dworje Kamjenskeje radnicy je nětko widźeć jedna ze šlebjerdow, z kotrymiž bě wěža na Pastwinej horje zapowěsnjena. Wustajena je tohorunja kopija wopisma, w kotrymž je město prěni raz naspomnjene (mały wobraz). Original chowaja w klóštrje Marijinej hwězdźe w Pančicach-Kukowje. Foto: Uwe Menschner

Wjele idejow za róčnicu zběrali, dźěło pak so nětko hakle započina

Kamjenc (UM/SN). K 800. róčnicy wobstaća Kamjenca w lěće 2025 su wobydlerjo za to wutworjenej dźěłowej skupinje 114 idejow zapodali. „Wothłós je přemóžacy“, praji wyši měšćanosta Roland Dantz (njestronjan). „Wón wotbłyšćuje, zo su ludźo z městom wusko zwjazani a zo chcedźa jubilej hódnje woswjećić.“ Z dźěłoweje skupiny, kotraž je ideje zběrała a kategorizowała, wutworja tuž swjedźenski komitej. To chce Dantz spočatk přichodneho lěta měšćanskej radźe namjetować. Prěni nadawk komiteja budźe, z tymi rěčeć, kotřiž su namjety zapodali. Přetož njeńdźe wo to, někajke přeća zwuraznić, ale so sam sobu gratu přimać. Pozdźišo dyrbja tež wo tym rěčeć, kak projekty financuja a w kotrym wobjimje jubilej woswjeća, hač cyłe lěto abo w jednotliwych wotrězkach.

wozjewjene w: Lokalka
Prošu přizjewće so, chceće-li komentar podać

słowo lěta 2020

nawěšk