×

Powěsć

Failed loading XML...

Planuja wulki solarny park

wutora, 30. nowembera 2021
artikl hódnoćić
(0 )

Wochozy (AK/SN). Klětu kónc januara ma prěni termin być, na kotrymž ­chcedźa wobydlerjow Wochoz (Nochten) wo planowanym solarnym parku blisko wsy informować. Tak pisa tam­niši wjesny předstejićer Mario Weier w aktualnym hamtskim łopjenu Hamorskeje gmejny. Energijowy koncern LEAG chce pola Wochoz něhdźe 21 hektarow wulki so­larny park twarić. Předwidźana wul­kosć­ wotpowěduje něhdźe 29 ko­parskim hrajnišćam. Fotowoltaikowe ­mo­dule, kotrež maja swětło słónca na milinu přetworić, maja potom na něhdyšich hórniskich a mjeztym rekultiwowanych ratarskich płoninach na kromje Wochoz stać. Po tuchwil­nych předstawach chcedźa 2023 solarny park twarić započeć. Hižo nazymu samsneho lěta ma wón hotowy być. Park ma raz ­cyłkowny wukon 20 me­gawattow docpěć a něhdźe 30 do 35 lět dźěłać. Wo planowanje wulkeje připrawy stara so w nadawku LEAG přede­wzaće EP New Energies.

wozjewjene w: Łužica
Prošu přizjewće so, chceće-li komentar podać

nowostki LND