Lěwica, SPD a Zeleni ze zhromadnym kandidatom za wólby krajneho rady

Budyšin (SN/at). Lěwica, SPD a Zeleni hotuja so ze zhromadnym kandidatom na wólby krajneho rady Budyskeho wokrjesa 12. junija. Swojim sobustawam namje­tuja, za to Kamjenčana Alexa Theileho nominować. Wobydlerjam Lessingoweho města je njestronjan znaty jako předsyda frakcije Lěwicy w tamnišej měšćanskej radźe.­ Wokrjesnej předsydce SPD Ka­thrin Michel a Zelenych Susann Kolba kaž tež wokrjesny předsyda Lěwicy Silvio Lang su zhromadne wólbne předewzaće wčera w Budyšinje předstajili, Alex Theile roz­łoži hłowne mysle swojeje kandidatury.