Smochćicy (CS/SN). Tež lětsa přewjedźe ewangelski cyrkwinski wobwod Budyšin/Kamjenc nachribjetnikowu akciju za šulskich nowačkow w partnerskim wobwodźe Meru w afriskej Tansaniji. Dokelž tam samo najtrěbniše wěcy wšědneje potrjeby pobrachuja, pjelnja wosadni, šule a pěstowarnje nachribjetniki ze zešiwkami, pisakami a dalšimi šulskimi wěcami, ale tež z jědźnym gratom, talerjemi a trjenjemi.