Pytaja turistiskich přewodnikow

wutora, 08. februara 2022
artikl hódnoćić
(0 )
Dieter Klimek jako Čorny młynk (srjedźa) je předwčerawšim po dlěšej přestawce zaso zymske pućowanje w Čornochołmčanskim Krabatowym młynje přewjedł.  Foto: Diana Fryčec-Grimmigowa Dieter Klimek jako Čorny młynk (srjedźa) je předwčerawšim po dlěšej přestawce zaso zymske pućowanje w Čornochołmčanskim Krabatowym młynje přewjedł. Foto: Diana Fryčec-Grimmigowa

Tak kaž druhdźe so tež w Čornochołmčanskim Krabatowym młynje minjene měsacy někotrežkuli zarjadowanje přewjesć njemóžeše. Tohodla bě zymske pućowanje předwčerawšim kaž nowy start.

Čorny Chołmc (DFG/SN). Po třilětnej přestawce su předwčerawšim w Krabatowym młynje w Čornym Chołmcu prěni raz zaso zymske pućowanje přewjedli. Dieter Klimek jako Čorny młynk je skupinu wopytowarjow po wokolinje wjedł. Zajimcam powědaše na přikład wo započatkach Krabatoweho młyna, rozkładźe jim wažnosć Krabatoweje kolesowanskeje šćežki a pokaza městnosć historiskeho čorneho młyna, tak mjenowaneho Brösingoweho młyna.

„Sym 30 lět z młynom, jeho stawiznami a figuru Krabata zwjazany“, powědaše Dieter Klimek wobdźělnikam na poł třeća hodźinje trajacej čarje. „Započał sym wabić za region na pućowanskich wikach a wjetšich nadregionalnych wustajeńcach. To je so wudaniło. Nětko witamy tu hosći z cyłeho swěta.“

wozjewjene w: Lokalka
Prošu přizjewće so, chceće-li komentar podać

słowo lěta 2022

nawěšk

nowostki LND