Pokazuja naćiski idejow

srjeda, 16. měrca 2022
artikl hódnoćić
(0 )
Jedyn z naćiskow za nowu staciju slědźerjow a technikarjow w Běłej Wodźe je syriski student Haitham Janeer zhotowił, kiž jón tule hromadźe ze studentku Sophiju Merz prezentuje.  Foto: Andreas Kirschke Jedyn z naćiskow za nowu staciju slědźerjow a technikarjow w Běłej Wodźe je syriski student Haitham Janeer zhotowił, kiž jón tule hromadźe ze studentku Sophiju Merz prezentuje. Foto: Andreas Kirschke

Stacija slědźerjow a technikarjow w Běłej Wodźe ma nowotwar dóstać

Běła Woda (AK/SN). Wot lěta 1953 wobstejaca Běłowodźanska stacija młodych přirodospytnikow a technikarjow ma nowotwar jako městnosć wuknjenja do přichoda dóstać. To je cil projekta we wobłuku změny strukturow w Běłej Wodźe. Wizija je, zo chcedźa klětu zakładny kamjeń za twarski kompleks połožić. Wobstać ma kompleks z dźěłarnjow, seminarnych a zarjadowanskich rumnosćow kaž tež z přenocowanskich móžnosćow. Za tři lěta chcedźa nowotwar potom poswjećić. Po tuchwilnym stawje płaći projekt ně­hdźe 4,5 milionow eurow. Spěchowanske towarstwo a załožba stacije zapłaćitej dźesać procentow swójskeho podźěla. 90 procentow ma jako spěchowanje z hornca za strukturnu změnu přińć. W juniju regionalny wuběrk wo próstwje rozsudźi.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND