Za jutry wjele přihotowane

srjeda, 06. apryla 2022
artikl hódnoćić
(0 )

Sprjewine město hotuje so na tysacy wopytowarjow a wulki program

Budyšin (SN/MWj). Po dwulětnej nanuzowanej přestawce chce so město Budyšin jutry zaso jako woprawdźite jutrowne město prezentować. To zwuraznichu za­stu­pjerjo měšćanskeho zarjadnistwa, Turistiskeho towarstwa a Nutřkoměšćanskeho towarstwa předwčerawšim na nowinarskej rozmołwje. Hižo přichodnu sobotu, 9. apryla, organizuja tak mjenowany jutrowny warm-up, hdyž zaklinči w nutřkownym měsće a w Centeru na žitnych wikach zabawna hudźba.

Ćichu sobotu wotměja so na Hłownym torhošću jutrowne wiki. Zapřijatej budźetej turistiska informacija kaž tež Serbski muzej, hdźež budu zajimcy debjerjam jutrownych jejkow při jich dźěle přihladować móc. W Serbskej kulturnej informaciji chcedźa wopytowarjam wot 10 do 12 hodź. składnosć dać, so sami we wóskowanju pospytać. Pobrachować njesmě sobotu tradicionalne jutrowne trubjenje. Wone wotměje so kaž zwučene na Hrodźišku.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND