Změny we wołtarnišću

srjeda, 27. apryla 2022
artikl hódnoćić
(0 )

Architekt koncept nutřkowneho wobnowjenja cyrkwje předstajił

Chrósćicy (SN/MWj). Hač do kermuše 2023 ma Chróšćanska cyrkej nutřkownje wobnowjena być. Tole zdźěli architekt Marko Dźisławk minjenu njedźelu na hudźbnym nyšporu, jako wón koncept ponowjenja tójšto zajimowanym připosłucharjam předstaji. Twarske dźěła chcedźa lětsa w awgusće zahajić.

Najwjetše změny připowědźi wón we wołtarnišću. Te chcedźa dospołnje wo jedyn schodźenk znižić, zo by wone tež ludźom z handicapom přistupne było. Tuchwilne wołtarne blido ma so na swoje historiske městno před wysokim wołtarjom wróćić. Tuž budźe trěbne nowe wołtarne blido, kotrež ma bliže ke kemšerjam stać, takrjec jako wuraz zbliženja cyrkwje a wosady, kaž architekt rozłoži. Runočasnje maja nowe městna za měšnika, za ministrantow a za ambo nastać.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND