Njebjelčicy (SN/JaW). Gmejna Njebjelčicy njebudźe z hakle loni w awgusće załoženym mjezynarodnym towarstwom Sowutu žane kooperaciske zrěčenje podpisać. To je gmejnska rada na swojim minjenym posedźenju w Njebjelčanskim gmejnskim centrumje wobzamknyła. Do toho bě předsydka towarstwa Marlies Richter gmejnskim radźićelam a radźićelkam kaž tež dalšim přitomnym aktualne skutkowanje cyłka zbližiła.