Posledni měznik něhdyšeje prusko-sakskeje hranicy postajeny
Komorow (JK/SN). Dobre 300 metrow zwonka Komorowa pola Rakec, blisko Wojerowskeho Čorneho Halštrowa zhromadźi so minjenu sobotu dopołdnja nahladna ličba ludźi, zo by była ze swědkom samo na sebi historiskeho wokomika. Tam bu mjenujcy posledni měznik podłu něhdyšeje prusko-sakskeje hranicy wotkryty, kotrehož postajenje bě Wienski kongres 1815 wobzamknył.
