Štwórta liga w Radworju we wobłuku jubilejneho lěta

wutora, 05. julija 2022
artikl hódnoćić
(0 )
Před wjac hač 500 přihladowarjemi su Radworscy koparjo prěnjeho mustwa sobotu prěni raz přećiwo połprofijam hrali. Hosćo z  Lipska drje wobaj połčasaj dominowachu, při wšěm pak běše to za Radwor, kotryž je postupnik do wokrjesneje wyšeje ligi, wulkotne dožiwjenje w jubilejnym lěće. Nicole Burtschick Před wjac hač 500 přihladowarjemi su Radworscy koparjo prěnjeho mustwa sobotu prěni raz přećiwo połprofijam hrali. Hosćo z Lipska drje wobaj połčasaj dominowachu, při wšěm pak běše to za Radwor, kotryž je postupnik do wokrjesneje wyšeje ligi, wulkotne dožiwjenje w jubilejnym lěće. Nicole Burtschick

Na kulowaty 100ty jubilej běchu sej Radworscy sportowcy zašłu sobotu wosebiteho hosća přeprosyli. Z wulkeho Lipska bě BSG Chemija Lipsk do wsy přichwatała. Mustwo z regionalneje ligi sewjerowuchod hraješe w małym Radworju. Hižo cyły tydźeń mějachu zamołwići ruce połne dźěła, zo bychu tutón wjeršk přihotowali. Jako pjatk poslednje přihoty dokónčichu, bě napjatosć wosebje mjez hrajerjemi pytnyć. Za nich bě to hra žiwjenja. Hišće ženje do toho njejsu přećiwo połprofijam ze štwórteje ligi hrali. Mjena a mjezwoča přećiwnika znaja Radworscy jenož z medijow, jich nětko doma witać směć bě za wšitkich wulka česć. Na pjatkownym treningu spytachu domjacy wosebje defensiwu trenować, zo bychu wuslědk tak niski kaž móžno dźerželi. Wšitkim bě jasne, zo móža jenož zhromadnje a z wulkej wolu žiwjenje přećiwnika wobćežować. Při wšěm pak chcychu hrajerjo kaž tež zamołwići sej tutón dźeń lubić dać, so dobreje nalady nasrěbać a tak jubilej rjenje woswjećić.

wozjewjene w: Sport

Galerija

dalši wobraz (1) Hłowny sudnik jubilejneje hry Radworčanow přećiwo regionalnemu ligistej z Lipska bě sobotu serbski referee Michał Neter (srjedźa, Njeswačidło). Najebać wulke napinanje su Radworscy koparjo přećelsku hru ze 0:16 přěhrali. Přiwšěm pak njedachu sej dobru naladu skazyć.
dalši wobraz (2) Pětr Grenzemann (na wobrazu naprawo), stajny wrotar Radworčanow, bu za swoje zasadźenje počesćeny. Grenzemann swoju aktiwnu karjeru zakónči.
Prošu přizjewće so, chceće-li komentar podać

Serbska debata

nowostki LND