Dobre rozrisanje za towarstwa

póndźela, 18. julija 2022
artikl hódnoćić
(0 )

Rakečanska gmejnska rada wo podpěrje za towarstwa gmejny rozsudźiła

Rakecy (JK/SN). Towarstwa hraja w zjawnym žiwjenju gmejnow wažnu rólu a su spušćomni partnerojo při rjadowanju a wotběhu čiłeho gmejnskeho žiwjenja. Tomu je tež w Rakecach tak. Tohodla je gmejnje podpěra towarstwow wažna naležnosć. W časach wobmjezowanych srědkow pak žada sej to mudre postupowanje a sprawne rjadowanje. W Rakecach je to gmejnska rada na swojim minjenym posedźenju derje rozrisała.

Hač do lěta 2021 běchu podpěru za towarstwa financowali z pawšale Swobodneho stata Sakskeje za strukturne skrućenje wjesneho ruma we wobjimje 70 000 eurow. Wot lětsa wšak tule pawšalu wjace njepłaća. W Rakecach pak su za podpěru towarstwow w hospodarskim planje dosć wulku sumu zaplanowali. Wjesnjanosta Swen Nowotny (CDU) tuž dwě móžnosći podpěry namjetowaše, wo kotrymajž so konstruktiwna disku­sija wuwi.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND