Wandalojo škodu načinili

pjatk, 12. awgusta 2022
artikl hódnoćić
(0 )
Nimo blidow a ławkow zhotowjeja šulerjo w Radworju pod nawodom Ludwiga Sachsy tež tajke kukawy.  Foto: Uwe Menschner Nimo blidow a ławkow zhotowjeja šulerjo w Radworju pod nawodom Ludwiga Sachsy tež tajke kukawy. Foto: Uwe Menschner

Ludwig Sachsa so hněwa, zo něchtó dźěło šulerjow zańć nima

Radwor (UM/SN). Škodow dla, kotrež běchu njeznaći na blidźe a ławce při Radworskim sportnišću načinili, je Ludwig Sachsa tež po dlěšim času hišće rozhorjeny. Na blidźe su widźeć wjacore wupalene městna. Tež kukawu běchu skućićeljo zapalili a skóncowali. Ludwig Sachsa, pod kotrehož nawodom běchu šulerjo Radworskeje wyšeje šule móžnosć k sedźenju natwarili, je njeskutk njedawno wuhladał a hnydom gmejnske zarjadnistwo informował.

Radworska gmejna profituje hižo dlěši čas wot dźěła drjewoweje dźěłoweje skupiny wyšeje šule. Pod nawodom Ludwiga Sachsy je hižo wjele lětnikow z piłu, ­njebozom a druhim gratom wobchadźeć nawuknyło. „Mam wjace zajimcow hač městnow. Dotal běchu to stajnje hólcy, wot přichodneho šulskeho lěta chce tež holca sobu činić“, Sachsa powěda. ­Něhdźe 50 drjewjanych městnow k sedźenju su šulerjo w minjenych dźesać ­lětach twarili. Wone steja rozbrojene ­po cyłej gmejnje. Samo wopytowarjo z Hamburga su so wo tym w lisće chwalobnje ­wuprajili.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND