Hospodarski strukturny koncept a dodatny etat wobzamknyli
Běła Woda (AK/SN). Město Běła Woda je přeco hišće w kritiskej financnej situaciji. Město chce deficit wot 28 milionow w přichodnych lětach na jedyn milion znižić. To podšmórny komornica Swantje Schneider-Trunsch na minjenym wuradźowanju měšćanskeje rady. Ta je z wjetšinu – štyrjo měšćanscy radźićeljo hłosowachu přećiwo tomu – hospodarski strukturny koncept 2022 do 2026 kaž tež prěnje dodatne wustawki z dodatnym hospodarskim planom za 2022 wobzamknyła.
