Ze sektom na předstajenje witali

wutora, 23. awgusta 2022
artikl hódnoćić
(0 )
Składnostnje 30lětneho wobstaća Budyskeho kina je jeho wjednica Sibylle Schramm (srjedźa) hosći wječornych předstajenjow ze škleńcu sekta witała, mjez druhim tež Nadine Kliemann a Ringa Wirtha.  Foto: Carmen Schumann Składnostnje 30lětneho wobstaća Budyskeho kina je jeho wjednica Sibylle Schramm (srjedźa) hosći wječornych předstajenjow ze škleńcu sekta witała, mjez druhim tež Nadine Kliemann a Ringa Wirtha. Foto: Carmen Schumann

Budyšin (CS/SN). 21. awgusta 1992 bě wosebity dźeń za Budyske kino. Dospołnje ponowjene prezentowaše so wone tehdy swojim přihladowarkam a přihladowarjam.

K wosebitej składnosći přińdźechu tehdy tež wosebići hosćo do Budyskeho kina: Wolfgang Stumph, jeho filmowa dźowka Claudia Schmutzler kaž tež Ralf Zacher běchu na premjerje swojeho paska „Go Trabi Go 2 – Das war der wilde Osten“ pódla a wuspytachu tež hnydom nowe kinowe sydła. Te běchu wšak tehdy takrjec Mercedesy mjez kinowymi sydłami. Wolfgang Stumph přepoda jako dar palčika za zahrodu ze swojim mjezwočom, kiž hraje w filmje wuznamnu rólu. Tónle suweněr sej w Budyskim kinje z toho časa njesměrnje česća.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND