Polacy, Serbja a Góralojo zhromadnje swjećili

pjatk, 02. septembera 2022
artikl hódnoćić
(1 )
Drastowa skupina z  Mósta z delnjoserbskim kwasom  Foto: Werner Měškank Drastowa skupina z Mósta z delnjoserbskim kwasom Foto: Werner Měškank

Żary (WeM/SN). Stolica pólskeje Delnjeje Łužicy Żary běše njedźelu popołdnju swědk wosebiteho kulturneho podawka. Składnostnje parkoweho swjedźenja w měsće předstaji serbska drastowa skupina z Mósta (Heinersbrück) tradicionelny delnjoserbski kwas, kajkiž je so wón w času mjez swětowymaj wójnomaj hišće často swjećił, posledni raz w lěće 1936.

Mósćanscy su pólskim hosćićelam předstajili originalne narodne drasty wšelakich wariantow. Z pólskeje strony bu hosćom swjedźenja před jewišćom simultanje přełožowane. Funkcije a wosebitosće drastow braški, njewjesty, nawoženje, družkow a dalšich kwasarjow so wułožowachu. Słyšeć bě wotprošenje njewjesty w delnjoserbšćinje, a te nawoženje němsce. Dale předstajichu porjad rejowanja na kwasu. Měšćanska telewi­zija Żarow a fotografojo móžachu mnohe rjane sceny zapopadnyć.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND