Delanski pčołar a ratarjo za jedyn postronk ćahnyli

Konjecy (SN/MWj). Z klimowej změnu, kotruž tuchwilu wšudźe dožiwjamy, maja so pčołarjo mócnje bědźić. To je Konječanski pčołar Jan Šołta minjeny čas husćišo nazhonił. „Jedyn z wulkich problemow je, zo lědma hišće mjerznje. Normalne by było, zo pčołki někak srjedź septembra k měrej přińdu a žiwja so potom wot cokoroweje měšeńcy, kotruž jim pčołar da“, nazhonity delanski pčołar rozłoži.