Nory maja zaso princowski por

póndźela, 14. nowembera 2022
artikl hódnoćić
(0 )
Clemens Reinelt a jeho mandźelska Celine ze Sernjan staj nowy princowski por Serbskopazličanskeho karnewaloweho towarstwa.  Foto: Angelika Krječmarjowa Clemens Reinelt a jeho mandźelska Celine ze Sernjan staj nowy princowski por Serbskopazličanskeho karnewaloweho towarstwa. Foto: Angelika Krječmarjowa

Njebjelčicy (AKR/SN). Po třoch lětach přestawki su karnewalisća Serbskopazličanskeho karnewaloweho towarstwa minjeny pjatk zaso ceptar w gmejnje přewzali. Z tym započa so w Njebjelčicach pjaty počas. Prěni króć dóstachu wot ­noweho wjesnjanosty Andréja Bulanka na gmejnje symboliski kluč zarjada a kasu přepodatej.

Dotal najdlěje amtěrowacy princowski por Marcel II. a Christina II. ze Zubneje skały dyrbješe sobotu wječor z ćežkej wutrobu regentstwo wotedać. Serbskopazličanske karnewalowe towarstwo bě na wólby noweho princa do „Bjesady“ přeprosyło. Na wupředatej žurli dožiwichu wopytowarjo rjany a wotměnjawy dwuhodźinski program. Prezident z krótkej narěču zabawny wječor wotewrě. Rjenje přihladować běše zaso škričkowej gardźe, kotraž ze zapalom zarejwa.

wozjewjene w: Lokalka
Prošu přizjewće so, chceće-li komentar podać

słowo lěta 2022

nawěšk

nowostki LND