Jedyn z najwjetšich serbskich swjedźenjow so žortnje z diwersitu zaběrał

Nuknica (PDź/SN). Na Brězanec bróžni w Nuknicy wotmě so zašłu sobotu jubilejna Jolka. 25. raz prošachu Nukničenjo a wobydlerjo susodnych wsow na zabawny wječorny program spočatk lěta. Tuž běchu bróžeń z kreatiwnymi wobrazami a molowankami wupyšili, kotrež wabjachu w zašłych lětach hižo syły ludźi na najwšelakoriše programy do małeje wsy.