Dwójce camprowali

srjeda, 01. februara 2023
artikl hódnoćić
(0 )
Prěni raz překročichu camprowacy minjenu sobotu mjezu do Noweho Miłoraza. Běše to wosebite camprowanski kónc tydźenja, dokelž su dźeń do toho hižo w Miłorazu camprowali. Před třomi lětami běchu norojo tam posledni raz po puću, prjed hač korony dla pawsěrowachu. Foto: Jost Schmidtchen Prěni raz překročichu camprowacy minjenu sobotu mjezu do Noweho Miłoraza. Běše to wosebite camprowanski kónc tydźenja, dokelž su dźeń do toho hižo w Miłorazu camprowali. Před třomi lětami běchu norojo tam posledni raz po puću, prjed hač korony dla pawsěrowachu. Foto: Jost Schmidtchen

Rozžohnowanje w Miłorazu, witanje w Nowym Miłorazu

Miłoraz/Nowy Miłoraz (JS/SN). W stawiznach Miłoraza drje budźe minjeny kónc tydźenja wosebje w pomjatku wostać: Pjatk su posledni raz w starej wsy a dźeń na to hižo w nowej wsy camprowali. Camprowanje, serbski nałožk wućěrjenja zymy, ma w Miłorazu dołhu tradiciju. Wuwiće dokoławokoło wjeski je tež hejsowanje wobwliwowało: kónčina priority (za brunicu), přesydlenje, potom skónčnje Miłoraske zrěčenje a ze stron wjetšiny ludnosće (po)žadane přesydlenje na nowym městnje. Jedne pak su camprowarjo přeco zaso připowědźeli: Serbske nałožki wozmjemy sobu do noweje wsy. Cyle bjezporočnje pak to na kóncu tež wotběžało njebě. Poslednje camprowanje w póstniskim času w starym Miłorazu wotmě so 2. februara 2019. Njedyrbješe to po tutym starym wašnju poslednje być, ale potom přińdźe korona a bjez wotpohlada bě kónc. Mjeztym je natwar Noweho Miłoraza daloko postupił. Posledni zhromadny wustup měještej stary a Nowy Miłoraz składnostnje přećaha 750. jubileja w Slepom.

wozjewjene w: Łužica

Galerija

dalši wobraz (1) Dźěl skupiny při camprowanju w Miłorazu.
Prošu přizjewće so, chceće-li komentar podać

Serbska debata

nowostki LND