Statnu dróhu S 98 w Njeswačidle chcedźa wot kružneho wobchada we wsy hač ke kromje wsy do směra na Wětrow ponowić. Z tym maja so tež wuměnjenja za pěškow polěpšić.

Njeswačidło (UM/SN). Šoferojo dyrbja so lětsa w Njeswačidle na poćežowanja a wokołopuće nastajić. Kaž z wotpowědneho wupisanja Krajneho zarjada za dróhotwar a wobchad (LASuV) wuchadźa, chcedźa po wšěm zdaću wot apryla hač do oktobra jězdnju Bóščanskeje dróhi (statna dróha S 98) kaž tež kružny wobchad wosrjedź wsy ponowić.