Nowy twarski měšćanosta chce europsce myslić

wutora, 11. julija 2023
artikl hódnoćić
(0 )
Nowy twarski měšćanosta Budyšina Heiko Nowak  Foto: Carmen Schumann Nowy twarski měšćanosta Budyšina Heiko Nowak Foto: Carmen Schumann

Budyšin (CS/SN). Wot decembra 2022 je městno Budyskeho twarskeho měšćanosty njewobsadźene. Po tym zo je prěnje wupisanje zwrěšćiło, je so nětko w druhim pospyće poradźiło, městno znowa wobsadźić. Přizjewili běchu so tři wo­soby. Jedna z nich trěbne žadanja nje­spjelnješe. Tamnej zajimcaj staj so na zašłym posedźenju měšćanskeje rady předstajiłoj. Přeswědčić móžeše na kóncu Heiko Nowak, za kotrehož hłosowaše 24 wot 28 radźićelow.

Heiko Nowak je 33 lět stary a ma pjećlětneho syna. W Choćebuzu je wón ­měšćanske a regionalne planowanje studował. Powołansce je hižo we wjacorych wobłukach dźěłał a nawjedowanske funkcije wukonjał. Tak skutkowaše w zaměrowym zwjazku Łužiska jězorina, bě projektowy nawoda Łužiskeje dźěłarnje za přichod a bě zamołwity za strategiju Sakskeje agentury za wuwiće strukturow. Tuchwilu je wón přistajeny pola ho­spodarskeho poradźowanskeho přede­wzaća Deloitte jako poradźowar zjaw­neho sektora.

wozjewjene w: Łužica
Prošu přizjewće so, chceće-li komentar podać

nowostki LND