W Radworju šćežku wo zbóžnym kapłanje Alojsu Andrickim wotewrěli

Radwor (SN/BŠe). W Radworju maja nětko dalšu atrakciju we wsy. Minjeny pjatk bu tam šćežka „Po slědach zbóžneho kapłana Alojsa Andrickeho“ wotewrjena. Zaměr projekta bě, na sławneho wobydlerja na wosebite wašnje spominać, wšako ma za wosadu, region a Drježdźansko-Mišnjanske biskopstwo wulki wuznam.