Nowy rekord wobdźělnikow

srjeda, 26. julija 2023
artikl hódnoćić
(0 )
Na pobrjóžnym puću při Jantarowym jězoru pola Bórkhamora bě minjeny kónc tydźenja wjace hač 220 motorskich a kwadow nastajenych. Z nimi běchu wobsedźerjo na wulke zetkanje motorskich do Łužicy přijěli.  Foto: Jost Schmidtchen Na pobrjóžnym puću při Jantarowym jězoru pola Bórkhamora bě minjeny kónc tydźenja wjace hač 220 motorskich a kwadow nastajenych. Z nimi běchu wobsedźerjo na wulke zetkanje motorskich do Łužicy přijěli. Foto: Jost Schmidtchen

Bórkhamor (JoS/SN). Mjeztym hižo 14. raz wotmě so při Jantarowym jězoru pola Bórkhamora wulke zetkanje motorskich. Z wjace hač 220 motorskimi a kwadami běchu wobdźělnicy z cyłeje Němskeje přijěli a z tym nowy rekord wobdźělenja nastajili. Z tym móžachu organizatorojo z hosćićelskeho towarstwa Kurvenliga Lausitz na čas do korony nawjazać. Přetorhnyli pak tele zarjadowanje tež za čas pandemije njejsu, wone bě jenož trochu mjeńše.

Towarstwu přisłuša dźensa něhdźe 40 čłonow, mjez nimi tójšto žonow, rozprawja předsyda Bastian Lowke. Štyri žony jězdźa mjeztym ze swójskim motorskim, pjata zmištruje tuchwilu runje swoju jězbnu dowolnosć. Mjez druhim přihotowachu čłonojo a pomocnicy – dohromady bě jich něhdźe 65 ludźi – swjedźenišćo a natwarichu jewišćo. Na nim wotměchu so tři koncerty, na kotrež přichadźachu tohorunja zajimcy z Bórkhamora a wokolnych wsow.

wozjewjene w: Łužica
Prošu přizjewće so, chceće-li komentar podać

nowostki LND