W septembru kupjel zdźěla zaso spřistupnja

póndźela, 31. julija 2023
artikl hódnoćić
(0 )
Jednaćel Łužiskeje kupjele Matthias Brauer, sobudźěłaćerka SWH Janett Schreiber a jednaćel SWH Thomas Bleier (wotlěwa) składźechu dokumenty do časoweje kapsle, kotruž su pozdźišo zamurjowali.  Foto: Silke Richter Jednaćel Łužiskeje kupjele Matthias Brauer, sobudźěłaćerka SWH Janett Schreiber a jednaćel SWH Thomas Bleier (wotlěwa) składźechu dokumenty do časoweje kapsle, kotruž su pozdźišo zamurjowali. Foto: Silke Richter

Wojerecy (SiR/SN). Před 24 lětami wotewrjena Wojerowska Łužiska kupjel je tuchwilu twarnišćo. Přetwar na tak mjenowane kwalifikowane wólnočasne zarjadnišćo su w aprylu ze symboliskim prěnim zarywom a přepodaćom spě­chowanskich srědkow přez sakskeho ­ministra Thomasa Schmidta zahajili. Štwórtk, 27. julija, slědowaše na twarnišću dalši oficialny akt.

Přetwar a modernizaciju kupjele spěchuja z 22,5 milionami eurow z hornca za změnu strukturow we łužiskim brunicowym rewěrje. Hač do lětušeho oktobra dóstanje kupjel přidatny 25 metrow ­dołhi płuwanski basenk kaž tež dalši za gymnastiku we wodźe a płuwanje z ćěšenkami. Dale wonkowne připrawy znowa wuhotuja, a to ze sportowymi a hrajkanskimi připrawami, kotrež hodźa so cyłe lěto wužiwać.

wozjewjene w: Łužica
Prošu přizjewće so, chceće-li komentar podać

nowostki LND