Tablet njeje jenož za zabawu

pjatk, 18. awgusta 2023
artikl hódnoćić
(0 )
30 holcow a hólcow w starobje hač do dźesać lět wobdźěli so minjene dny na wosebitym prózdninskim lěhwje, kotrež je Serbske šulske towarstwo w Smjerdźečanskim kubłanskim srjedźišću LIPA přewjedło.  Foto: Alfons Handrik 30 holcow a hólcow w starobje hač do dźesać lět wobdźěli so minjene dny na wosebitym prózdninskim lěhwje, kotrež je Serbske šulske towarstwo w Smjerdźečanskim kubłanskim srjedźišću LIPA přewjedło. Foto: Alfons Handrik

Smjerdźaca (aha/SN). Před wosom lětami je Smjerdźečanske Serbske kubłanske srjedźišćo LIPA započało, w poslednim tydźenju lětnich prózdnin za šulerjow w starobje hač do dźesać lět přewjesć ­wočerstwjace prózdninske lěhwo. Zaměr bě, holcam a hólcam na lóštne wašnje motiwaciju do noweho šulskeho lěta dać. Minjene dny su dalše tajke lěhwo ­přewjedli.

Michaela Rabowa jako sobudźěłaćerka kubłanskeho srjedźišća, kotrež je nětko w nošer­stwje Serbskeho šulskeho towarstwa, a zamołwity za medijo-pedagogiski projekt SŠT LUCIJA Michał Cyž staj za to spřihotowałoj přewšo ­powučny wobsahowy wotběh. Jeju wotpohlad, mjez 30 wobdźělenymi dźěćimi přewažnje Worklečanskeje a Chróšćanskeje ­zakładneje šule zajim za matematiku, informatiku a techniku zbudźić, je so poradźił. Tak dźěći při wobchadźenju z tabletom nazhonichu, zo njeje tón ­jenož za zabawne hry, ale trěbny ­wuknjenski nastroj. Zanurili su so do wobšěrneho pola robotiki. Wědźa nětko tež, zo móžeš coding nawuknyć a zo je programěrowanje přewšo zajimawa ­zaběra.

wozjewjene w: Łužica
Prošu přizjewće so, chceće-li komentar podać

nowostki LND