Doby přesahowaca hudźba a poezija

wutora, 26. septembera 2023
artikl hódnoćić
(0 )
Tomaš Žur a jeho mandźelska Roswitha předstajištaj w klóštrje Marijina hwězda hudźbu a poeziju.  Foto: Feliks Haza Tomaš Žur a jeho mandźelska Roswitha předstajištaj w klóštrje Marijina hwězda hudźbu a poeziju. Foto: Feliks Haza

Bywši organist Berlinskeje katedrale swj. Jadwigi Tomaš Žur a jeho mandźelska Roswitha staj minjenu sobotu beneficne hudźbno-literarne popołdnjo w Pančicach-Kukowje wuhotowałoj. Po zarjadowanju zezběrane pjenježne dary maja so na „dobro tamnišeho klóštra Marijina hwězda nałožować“.

Pančicy-Kukow (SN/bn). „Dajmy so zawjesć do kuzła pišćeloweje hudźby. Hudźba je moraliski zakoń. Wona dari našim wutrobam dušu, spožči myslam křidła, da fantaziji rozkćěwać“, powita Leńka Andersowa něhdźe 60 wopytowarjow w klóšterskej cyrkwi, citujo filozofej Platonej připisane słowa. Skrótka předstaji wona organista a jeho mandźelsku a doda, zo nadźija so bohateje kolekty za wobchowanje mjeztym 775 lět wobstawaceje cistercienskeje abtownje a zo prosy wo to, so přikleska „mjez jednotliwymi přinoškami wzdać“.

wozjewjene w: Łužica
Prošu přizjewće so, chceće-li komentar podać

nowostki LND