Jan Bogusz a dr. Kristian Naglo: Čehodla je kopańca za naš lud tajka wažna

Budyšin (SN/mb). „Kopańca ma jako serbski rěčny rum hoberski potencial“, je referent Domowiny Clemens Škoda přeswědčeny, kiž ma na zarjedźe třěšneho zwjazka přihoty na Europeadu na starosći. To leži tež na ludźoch kaž Janu Boguszu. Wón njeje jenož wědomostny sobudźěłaćer wotrjada rěčespyt Serbskeho instituta (SI) w Budyšinje, ale je njedawno wot předsydstwa SJ Chrósćic pokal za stotu dypkowu hru w Chróšćan trikoće dóstał. Sylny nadběhowar je tež za Serbske mustwo na Europeadźe w Korutanskej trójce do wrotow třělił.