Dźěłowy kruh za serbske naležnosće je so wčera w Budyšinje z dr. Robertom Böhmerom – měšćanostu za financy, porjadk a kubłanje – zešoł. Mjez druhim podpisachu koncept za spěchowanje widźomnosće serbšćiny w zjawnosći.

Budyšin (CS/SN). Po tym, zo je měšćanska rada na swojim posedźenju srjedu koncept za spěchowanje widźomnosće serbšćiny w zjawnosći jednohłósnje schwaliła, podpisaštaj wčera Budyski měšćanosta dr. Robert Böhmer a rěčnik dźěłoweho kruha za serbske naležnosće Benjamin Wirth papjeru. Koncept zmóžnja wikowarjam a přemysłownikam, so nastupajo swoje přidatne wudawki za dwurěčne napisma wo srědki z wotpowědneho fondsa požadać. Hač do 6 500 eurow spěchowanja je móžne. Wot tuteje sumy přewza 5 000 eurow sakske nutřkowne ministerstwo, 1 500 eurow financuje město Budyšin. Štóž chce so wo financne srědki požadać, njech pósćele mejlku na: .