Egon smě we Łužicy wostać poručenje

póndźela, 06. nowembera 2023
artikl hódnoćić
(0 )
Tomaš Gruber předstaji žrěbca Egona na wuběranju žrěbcow w saksko–anhaltskej wjesce Krumke. Tam wuběraja kóžde lěto najlěpše žrěbcy po cyłej Němskej. Za serbsku swójbu bě to prěni raz, zo so na tajkim wurisanju wobdźěla. Naposledk žrěbca bohužel wubrali njejsu.  Foto: STARKE PFERDE – Verlag Tomaš Gruber předstaji žrěbca Egona na wuběranju žrěbcow w saksko–anhaltskej wjesce Krumke. Tam wuběraja kóžde lěto najlěpše žrěbcy po cyłej Němskej. Za serbsku swójbu bě to prěni raz, zo so na tajkim wurisanju wobdźěla. Naposledk žrěbca bohužel wubrali njejsu. Foto: STARKE PFERDE – Verlag

Serbska swójba so prěni raz na wubranju žrěbcow wobdźěliła

Krumke (MG/SN). Hdyž zetka so prominenca plahowanja ćežkich koni w saksko-anhaltskej wjesce Krumke, potom je kóždolětne wubranje (Körung) najlěpšich žrěbcow zymnokrejnych koni na rjedźe. Lětsa poda so prěni raz tež serbska swójba Gruberec z Worklec ze swojim dwaj a poł lětnym konjom na wurisanje.

Hačrunjež so zarjadowanje hakle sobotu wotměło, podachu so swójbni hižo pjatk na poměrnje daloki puć. Něhdźe pjeć hodźinow wšak běchu z awtom po puću. Jako dojědźechu sej do jěchanskeho areala, běše tam hižo nadosć konkurency. Dohromady 19 žrěbcow ze šěsć zwjazkowych krajow běchu na wubranje při­wjezli. Egon, kaž rěka kóń Gruberec swójby, bě při tym jenički ze Sakskeje.

wozjewjene w: Łužica
Prošu přizjewće so, chceće-li komentar podać

nowostki LND