Radwor (VaŽ/SN). Bórze zaso tak daloko je. Lětuši Barowy festiwal w Radworju steji před durjemi. Wot 7. hač do 9. awgusta přeprošuje Radworska młodźina přećelow, hosći a wopytowarjow kóždeje staroby wutrobnje na wotměnjawy swjedźenski kónc tydźenja.

Zazběh budźe pjatk wot 18.30 hodź. tradicionalne natočenje piwa. Tam klubowej šefaj Feliks Bauch z Boranec a Niklas Šnajder z Radworja hosći witataj. Po tym startuje w 19 hodź. woblubowany korčmowy kwis, na kotrymž so wšitcy wopytowarjo wobdźělić smědźa. Při tym móža wobdźělnicy kóždeje staroby swoju wědu kołowokoło Łužicy dopokazać. W dźewjećich prosy DJ Systhemfehler na rejwanišćo, hdźež móža so hosćo potom hač do nocy wucychnować.