Naročny projekt w Budyšinje wočakuje dalše wožiwjenje
Budyšin (WL/SN). Judith Mühldorfer je zbožowna. Wjelelětna předsydka wokrjesneho zwjazka Budyšin njewotwisneho zwjazka seniorow Sakskeje, (USB) na kóncu swojeho powołanskeho žiwjenja zwjeselena woła: „Wone je zdokonjane!“ Po saněrowanju fasady „Stareho kazina Budyšin“ na Löhrowej 33 w lětomaj 2020 a 2021 bu lětsa tež třěcha saněrowana. Wjace hač 600 000 eurow spěchowanskich srědkow ze zamóženstwa politiskich stronow a masowych organizacijow NDR bě tole zmóžniło. Nětko je Judith Mühlendorfer swojej naslědnicy Monice Petrick wonkownje saněrowane twarjenje přepodała a so na zasłuženy wuměnk podała.