Po měrnišim lěće 2023 chcedźa lětsa w Rakecach wjace inwestować
Rakecy (JK/SN). Lěto 2023 bě za Rakečansku gmejnu samo na sebi njespektakularne. Wulke inwesticije njemóžeše přewjesć, dokelž spěchowanske srědki sčasom dóšli njejsu abo njebuchu přizwolene. Tuž su skerje lěto 2024 planowachu a přihotowali. Po słowach wjesnjanosty Swena Nowotneho (CDU) wulke předewzaća, kaž energetiske saněrowanje zakładneje šule a radnicy kaž tež nowotwar gratownje wohnjoweje wobory w Stróži z wočow njepušća. Znajmjeńša pak su loni wjacore busowe zastanišća wobnowili a je tak wuhotowali, zo su bjez zadźěwkow. W Stróži a Jitku tajke nowe zastanišćo maja. Předwidźane projekty drje zahajić móhli njejsu, ale dźakowano dobremu hospodarjenju su swobodne srědki na wěsty čas na bance zapołožili a je z tym rozmnožili. Přirost njeje jara wulki, gmejnje pak přiwšěm pomha.
