Susodźa z mjenje běrokratiju

wutora, 20. februara 2024
artikl hódnoćić
(0 )
Park a hród w Njeswačidle móhłoj měć dobroty z poćahow gmejny do susodneje Pólskeje a z čłonstwa w Europskim zwjazku parkow Łužicy. Jeli so spěchowanske srědki z mało běrokratiju w Pólskej přizwola, změjetej Njeswačidło a Žary dosć dobre wuměnjeja k zachowanju kulturneju hódnotow, tu a tam.  Foto: Jan Kral Park a hród w Njeswačidle móhłoj měć dobroty z poćahow gmejny do susodneje Pólskeje a z čłonstwa w Europskim zwjazku parkow Łužicy. Jeli so spěchowanske srědki z mało běrokratiju w Pólskej přizwola, změjetej Njeswačidło a Žary dosć dobre wuměnjeja k zachowanju kulturneju hódnotow, tu a tam. Foto: Jan Kral

Poćahi k pólskim gmejnam z podobnymi strukturami so wupłaća

Njeswačidło (JK/SN). Njeswačanska gmejna je čłon Europskeho zwjazka łužiskich parkow. Zwjazkej přisłušeja wjacore komuny we Łužicy kaž Njeswačidło, Mužakow abo Choćebuz a w Pólskej. Tam su to přewažnje gmejny w kónčinje Jelenia Góra, hdźež su mnohe tež Serbam znate parki. Mjez čłonskimi gmejnami wobsteja wšelake zwiski. Na nimale prawidłownych schadźowanjach sej zhromadne postupowanje dorěča. Tak tež w prócowanjach wo europske spěchowanske srědki zhromadnje postupuja. Za čłonow z Łužicy so dobre poćahi do Pólskeje z tym wupłaća, zo je w Pólskej wo wjele lóšo, dóstać spěchowanske srědki. Wosebje je w Pólskej mjenje běrokratije a tuž su pjenjezy spěšnišo na městnje. Tole je tež Njeswačanska gmejna hižo nazhoniła. Hromadźe z gmejnu Kliczków, hdźež je znaty hród z parkom, su so wo spěchowanske srědki požadali a je tež dóstali. Za to móžachu flyery we wjacorych rěčach, mjez druhim tež serbsce, wo hrodźe a parku w Njeswačidle wudać.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND