Na 650lětnym jubileju Spalow jěcharjo zaso po šćernišću jěchali

Spale (LD/SN). Kaž mnoho wokolnych wsow swjeća tež Spale w tutym lěće swój 650. jubilej załoženja. Byrnjež Spale ženje ke klóštrej Marijina hwězda w Pančicach njesłušeli, běše w tamnišim dawkowym registru w lěće 1374 pokazka na wěsteho Hencz von dem Spole, kiž měješe dań zapłaćić. Njehladajo na to, je sydlišćo Spale tam hižo wjele lět do toho na tym městnje wobstało, kaž běše to chronist Reinhold Weise pisał. Informacija wo dani pak je prěnje pisomne naspomnjenje a tuž Spalčanam, młodym a starym, přičina jubilej woswjećić.