Hižo 14. raz su Wojerowčenjo kónc tydźenja swój měšćanski swjedźeń woswjećili. Lětsa nowe běše, zo su so tež lokalne zarjadnišća, firmy a towarstwa publikumej prezentowali.
Wojerecy (KD/SN). Tež młodostni dobrowólneje wohnjoweje wobory z Němcow kaž tež wohnjowi wobornicy z Wojerowskeho stareho města stej publikum na łuce w centralnym parku za Łužiskim centerom zahoriłoj. Na skupinskej stafeće pokazachu tam, kak spěšnje su kmani wodowe hadźicy mjez sobu zwjazać a kak dokładnje cile z wodu trjechić zamóža.
