Budyscy wokrjesni radźićeljo problematiski budget 2025/26 schwalili

Budyšin (SN/MiP). Postajowaca tema na wčerawšim štwórtym posedźenju Budyskeho wokrjesneho sejmika drje běše dwójny etat wokrjesa za lěće 2025/2026. Z wulkim zapalom jón krajny rada Udo Witschas (CDU) radźićelam předstaji. Při tym pak zasadny problem zatajić njemóžeše: Financna situacija je přewšo problematiska. Dohromady změje wokrjes w přichodnymaj lětomaj 54 milionow eurow deficita w swojej kasy. Za lěto 2025 je wokrjes kmany, swój minus z nalutowanych srědkow wurunać. Za lěto 2026 pak to hižo njemóže – etat tutoho lěta potajkim prawnisce konformny njeje. Cyłkowna suma etata za lěto 2025 zwyši so na 680 a 2026 na 700 milionow eurow.