Za lětušej swjedźenjej nazhonjeja Chrósćicy wulkotnu podpěru

Chrósćicy (JK/SN). Wutroba Chróšćanskeho gmejnskeho zarjadnistwa bije w takće přihotow na lětušej swjedźenskej wjerškaj. To bě začuwać na wčerawšim posedźenju tamnišeje gmejnskeje rady. Spokojeny wozjewi wjesnjanosta Marko Kliman (CDU) dotalny staw wěcnych, ale wosebje tež pjenježnych darow za tutej podawkaj. Gmejna a wosada Chrósćicy stej so wobroćiłoj z pismom na móžnych sponsorow wokoliny a prosyłoj wo podpěru za swjedźenski tydźeń składnostnje 800. róčnicy Chrósćic kaž tež za mjezynarodny folklorny festiwal Łužica. Kliman zdźěli wčera mjena a sumy tych spon­sorow, kotřiž su swoju podpěru na konto gmejny pósłali. Dotal je na konto gmejny a wosady dóšło dohromady 16 000 eurow.