W lěće 2007 su na Sukelnskej bydlacy Budyšenjo prěni raz zhromadny swjedźeń na swojej dróze woswjećili. Na lětušim lěćnym zawróće słónca chcedźa tole wospjetować.

Budyšin (CS/SN). Khalid Butt, mějićel indiskeho hosćenca „Shalimar“ na Budyskej Sukelnskej, so hišće derje dopominać wě: Před 18 lětami běše sej za swjedźeń na swojej dróze postawu elefanta w Budyskim dźiwadle wupožčił a při zachodźe hosćenca postajił. Nětko wjeseli so na lětuši swjedźeń dnja 21. junija, na kotrymž chce wopytowarjam indiske chłóšćenki do ruki poskićeć.