Frakcija sakskich Zelenych je so minjene dny w Sakskim krajnym sejmje za zwěrjatownje zasadźowała. „Na lisćinje za skrótšenje pjenjez w etaće steješe poprawom škit zwěrjatow. To pak na tutej lisćinje ničo pytać nima a runočasnje je škit zwěrjatow statny zaměr“, zwurazni Franziska Schubert, kotraž frakciju w krajnym sejmje nawjeduje. Wona je jara wjesoła, zo je so stronje zwyšenje pjenjez za zwěrjatownje w dwójnym etaće za lěće 2025/2026 radźiło.