Po fiasku při wólbach sudnikow je knježerstwo bjezradne

Berlin (dpa/SN). Poprawom bě sej Friedrich Merz (CDU) předewzał jako zwjazkowy kancler nowy, kooperatiwny stil knježenja etablěrować. Po zwrěšćenych wólbach sudnikow wustawoweho sudnistwa pjatk w zwjazkowym sejmje pak je nětko jasne, zo je wón tutón narok najprjedy raz misnył. Po něhdźe dwěmaj měsacomaj jeho kanclerstwa so čorno-čerwjena koalicija w tradiciji amploweje koalicije chětro jara wadźi.