Wjele towarstwow z Wojerec, wokoliny a cyłeje Sakskeje přihotuje so tuchwilu na Saksku krajnu domchowanku, ­kotraž so w septembrje we Wojerecach wotměje. Mjez nimi je Ćišćanska ­rejwanska skupina.

Ćisk (KD/SN). Kóždy druhi pjatk wječor Ćišćanska rejwanska skupina we wjesnym hosćencu „Zeleny wěnc“ zwučuje, tež w prózdninskim času. Žony a mužojo chcedźa 13. septembra na jednym z třoch jewišćow we wobłuku Sakskeje krajneje domchowanki žnjenske reje předstajić, praji čłonka předsydstwa towarstwa Gabriela Linakowa. K hudźbje dujerskeje kapały Horjany dožiwja přihladowarjo potom žně žita a lena.