Protecy (CS/SN). Mjeztym dwanaty raz jědźeše minjeny kónc tydźenja wuměłski bus po Hornjej Łužicy, tónraz konkretnje po zapadnej Łužicy. Stacije běchu Protecy, Połčnica, Wachau a Seifersdorf. Wjedro na woběmaj dnjomaj njemóhło rozdźělniše być. Mjeztym zo wopytowarjo sobotu při horcych temperaturach stonachu, dyrbjachu hosćo njedźelu dołho wočakowany dešć znjesć. Tón wšak bě za mamutowu zahrodu w Protecach zawěsće přijomniši, přetož rostliny w rjanym parku skića lědma chłódk. Porno tomu sy so w parku kołowokoło knježeho domu derje posydnyć móhł. Pohosćiło je hosći hibićiwe spěchowanske towarstwo knježeho domu, kotrež so wo wudźeržowanje twarjenje stara. W nim běštej widźeć wustajeńca wo stawiznach wsy a zběrka twórbow Rity Geißler.