Budyšin (SN/DK). Band Němsko-Serbskeho ludoweho dźiwadła „Floppy Dolls“ poda so po dlěšej přestawce z nowym programom a hitami ze wšeho swěta na turneju po Łužicy. Při tym wuprudźa w serbskej rěči žiwjenske wjeselo. Štóž so tele dny aktualneho plakata abo flajera za předstajenje skupiny „Floppy Dolls“ dohlada, njech ze swojim šmóratkom tam podaty QR-kode wužiwa. Tón wjedźe direktnje k hudźbje a widejofilmej wo legendarnej skupinje „Floppy Dolls“.